کتاب: انوار المصابیح بجواب رکعات تراویح - صفحہ 119

روی الرجل جملة وربعض ذلك مناکیر فهو منکر الحدیث انتهیٰ (حوالہ مذکور) یعنی ’’ محدثین جب کسی راوی کی با بت منکر الحدیث کا لفظ بولتے ہیں تواس سے ان کی مراد یہ نہیں ہوتی کہ اس کی جتنی روایتیں ہیں وہ سب منکر ہیں ، بلکہ اس کی چند روایتوں میں سے اگر بعض بھی منکر ہوں تو اس کومنکر الحدیث کہہ دیتے ہیں ‘‘ ۔ دیکھئے ! ان اطلاقات کے مفہوموں میں باہم کتنا فرق ہے ۔ اس لئے جب تک کسی معتبر دلیل سے یہ ثابت نہ ہو جائے کہ امام ابو داؤد وغیرہ نے عیسیٰ بن جاریہ کو کس معنی کے اعتبار سے منکر الحدیث کہا ہے اس وقت تک قطعی طور سے یہ حکم لگا دینا کہ ’’ اس کی یہ روایت قابلِ قبول نہیں ہو سکتی ‘‘ نری زبردستی ہے ۔ ایک شبہہ کا ازالہ :۔ ہم نے اپنے ثانی جواب میں دوسرے الفاظ جرح کے ساتھ ’’منکر الحدیث ‘‘ کو بھی جرح مبہم کہا ہے ۔شاید اس کے متعلق کسی کو شبہہ ہوا ہو ، اس لئے مناسب معلوم ہوتا ہے کہ اسی سلسلہ میںاس کا ازالہ کر دیا جائے ۔سو پہلی بات تو یہ ہے کہ ابھی تیسرے جواب میںمعلوم ہوا کہ ’’منکر ا لحدیث ‘‘ کا لفظ محدثین کے نزدیک مختلف معانی میں مستعمل ہے ۔ اس لئے بغیر کسی قرینہ اور دلیل کے اس کی مراد کا مشتبہ اور مبہم ہونا ظاہر ہے ۔ دوسری بات یہ ہے کہ مستند علماء نے ا س کے جرح مبہم ہونے کی تصریح کی ہے ۔ چنانچہ علامہ ابو المحاسن السندی ثم المدنی لکھتے ہیں : فاذا احطت بهذاعلمت ان اقول من قال فی احد هو منکر الحدیث جرح مجرد اذ حاصله انه ضعیف خالف الثقات ولا ریب ان قولهم هذا ضعیف جرح مجرد فیمکن انیکون ضعفه عند الجارح بها لا یراه المجتهد العامل برویته جرحا فان قیل ان الانکار جرح مفسر کما صرح به الحفاظ اجیب بان معنی منکر الحدیث کما سمعت ضعیف خالف الثقة والاسبا ب الحاملةللائمة علی الجرح متفاوته منها ما یقدح ومنها لا یقدح فربما ضعف بشئ لا یراه الاٰخر جرحا ومع قطع النظر عن هذا التحقیق لا تضر النکارة الا عند کثرة المخالفة للثقات انتهی ( (الرفع والتکمیل ص۱۴)

  • فونٹ سائز:

    ب ب