کتاب: انوار المصابیح بجواب رکعات تراویح - صفحہ 283

آپ پیش کر دیتے تو امام شافعی کی تصریح کے بموجب ایک بھی کام کا نہ ہوتا ۔ ایسی حالت میں اگر کوئی شخص یزید کے مرسل کو امام شافعی رحمہ اللہ کے قول کے بموجب قابلِ استدلال ظاہر کرتا ہے تو بڑا شرمناک تعصب اور خلافِ دیانت بات ہے‘‘ ۔ مرسل روایتوں کا دوسرا جواب : آخر میں ایک بات اور سن لیجئے ۔ امام شافعی فرماتے ہیں : واذا وجدت الدلائل بصحة حیثه بما وصفت اجبنا ان تقبل مرسله ولا نستطیع ان نزعم ان الحجة تتثبت بالموتصل انتهی (الرسالہ بشرح احمد محمد شاکر ص ۴۶۴) یعنی ایسے راوی کی حدیث کی صحت کے دلائل اگر ہماری بیانکردہ شرطوں کے مطابق پائے جائیں گے تو ہم اس کی مرسل روایت کو قبول کرلینا پسند کریں گے ۔ (لیکن بایں ہمہ) ہم یہ کہنے کی جرأت نہیں کر سکتے کہ اس مرسل روایت سے اسی طرح حجت قائم ہو گی جس طرح کسی متصل روایت سے ہوتی ہے ۔ اسی بات کو حافظ ابن کثیر رحمہ اللہ نے ان لفظوں میں ادا کیا ہے ولا ینتهض الی رتبة المتصل یعنی یہ مرسل حدیث (شرائط صحت کے تحقق کے بعد بھی ) کسی متصل روایت کے برابر نہیں ہو سکتی ۔ تیسرا جواب : یہ گذارشات تو اس تقدیر پر پیش کی گئی ہیں کہ مولانا مئوی کی پیش کردہ ان تمام روایتوں کا ’’مرسل‘‘ ہونا تسلیم ہو۔ ورنہ جمہورمحدثین (جن میں امام شافعی بھی شامل ہیں ) کی اصطلاح کے مطابق ان روایتوں میں سے کوئی ایک روایت بھی ’’مرسل‘‘ نہیں ہے بلکہ یہ سب ’’موقوف منقطع‘‘ ہیں ۔ کیونکہ

  • فونٹ سائز:

    ب ب