کتاب: شرف اصحاب الحدیث کا اردو ترجمہ فضائل اہل حدیث - صفحہ 7
کتاب: شرف اصحاب الحدیث کا اردو ترجمہ فضائل اہل حدیث مصنف: حافظ ابو بکر الخطیب البغدادی رحمہ اللہ پبلیشر: دارالتقویٰ کراچی ترجمہ: مولانا خالد گرجاکھی علامہ خطیب بغدادی رحمہ اللہ کی کتاب شرف اصحاب الحدیث کا یہ اردو ترجمہ بنام فضائل اہل حدیث مولانا خالد گرجاکھی صاحب نے کیا ہے ۔ اہل حدیث نام ہے قرآن و سنت پر عمل ہپیرا ہونے والوں کا۔ اور یہ منہج رہا ہے صحابہ ، تابعین اور تمام محدثین کا۔ اور اب اسی منہج ہر اہل حدیث قائم ہیں جو قال اللہ و قال الرسول کے منہج پر قائم ہیپں۔ عقائد و عبادات سے لے کر معاملات تک جو کچھ خرابیاں اور خرافات نظر آتی ہیں در حقیقت محدثین کے معتدل اور اقوم طریق فکر کو نظر انداز کرنے کا شاخسانہ ہیں جس کی دعوت ہمیشہ ہر فرزند اہل حدیث نے زمان و مکان کا خیال کئے بغیر دی اور اسی دعوت کو امام ابو بکر خطیب نے ’’ شرف اصحاب الحدیث ‘‘ میں پیش کیا ہے۔ بسم اللہ الرحمن الرحیم تعارف الحمد للہ الذی اصح حدیث دینہ باسنادہ الرفیع ۔ واوثق سنتہ باسناد رسولہ محمدن الشفیع۔ والصلوة والسلام علی من اسند شرعتہ بالصحة الکاملة واحسن الضنیع ۔ وعلی آلہ واصحابہ ہداة السبیل من غیر شذ وذ و تدلیس شنیع ۔ اللہم صل وسلم علی ما طلع القمران و تعاقبت الملوان حدیث کا لفظ عربی زبان میں گفتگو کے معنی میں استعمال ہوتا ہے۔ گفتگو کا تعلق حق تعالیٰ سے ہو یا انبیاء علیہم السلام یاعامۃ الناس سے، مگر فن حدیث کی اشاعت اوررواج کے بعد یہ لفظ حقیقت عرفیہ کے طور پر رسول اللہ صلی اللہ علیہ وسلم فداہ ابی وامی کے اقوال و افعال وغیرہ پر بولا جاتا ہے۔ خصوصاً دینی امور اور اسلامی مسائل میں جب حدیث کا تذکرہ آجائے تو اس سے مراد صرف حدیث نبوی صلی اللہ علیہ وسلم ہوگی۔ ائمہ فن کبھی بعض صحابہ کے ارشادات کو بھی اس میں شامل فرمالیتے ہیں۔ موطا امام مالک، مصنف ابوبکر بن ابی شیبہ اور مسند طیالسی وغیرہ کو آثار کی کثرت کے باوجود عموماً حدیث ہی کی کتب میں شامل سمجھا گیا ہے۔ تدوین فن حدیث کے جمع و تدوین کی رفتار بالکل طبعی ہے۔ ابتداء میں رسول اللہ صلی اللہ علیہ وسلم کے ارشادات، آپ صلی اللہ علیہ وسلم کی زندگی کے واقعات ،آپ کے سیر اور مغازی ، سفر و حضر کے حوادث ذہنوں میں منقش تھے۔ جیسے دنیا میں دیکھے بھالے اہم واقعات ذہنوں میں مرتسم ہوتے ہیں۔ سالہا سال تک وہ ذہن سے نہیں اترتے۔