کتاب: فتنہ وضع حدیث اور موضوع احادیث کی پہچان - صفحہ 60
’’میں نے رسول اللہ صلی اللہ علیہ وسلم کے ساتھ اللہ کی عبادت اس امت کے کسی بھی فرد سے پانچ سال یا سات سال پہلے کی‘‘۔ من لم یقل علیّ خیرا الناس فقد کفر ’’جس نے علی کو خیر الناس نہیں کہا اس نے کفر کیا‘‘۔ ان المدینة لا تصلح الا بی وبک ’’مدینہ یا تو تم سے درست ہو گا یا مجھ سے‘‘۔ سیدنا علی رضی اللہ عنہ کے ساتھ دوسرے اہلِ بیت کے سلسلے میں جو روایات وضع کی گئیں ان میں سے کچھ یہ ہیں: انا میزان العلم وعلی کفتاہ والحسن والحسین خیوطہ وفاطمہ ملاقتہ والائمةمنا عمود توزن فیہ اعمال المجین لنا والمبغضین لنا ’’میں علم کا ترازو ہوں، علی رضی اللہ عنہ اس کا پلڑاہیں، حسن رضی اللہ عنہ اور حسین رضی اللہ عنہ اس کی رسی ہیں اور فاطمہ رضی اللہ عنہا اس کا رابطہ ہیں اور ہمارے ائمہ (معصومین) عمود ہیں اس میں ہمارے چاہنے والوں اور ہم سے دشمنی کرنے والوں کے ا عمال تولے جائیں گے‘‘۔ امرنا رسول اللہ صلی اللہ علیہ وسلم ان نحرّض اولادنا علی حب علیّ بن ابی طالب ’’نبی کریم صلی اللہ علیہ وسلم نے ہمیں حکم دیا ہے کہ ہم اپنی اولاد کو علی ابن ابی طالب کی محبت پر ابھاریں‘‘۔ ان فاطمة عصمت فرجہا فحرم اللہ ذریتہا علی النار ’’فاطمہ رضی اللہ عنہا نے اپنی شرمگاہ کی حفاظت کی تو اللہ نے اس کی ذریت کے لئے دوزخ حرام کر دیا‘‘۔ ینادی مناد یوم القیامة غضوا ابصارکم حتمی تمر فاطمة بنت النبی صلی اللہ علیہ وسلم