کتاب: انسان کی عظمت کی حقیقت - صفحہ 77
یونانی فلسفہ انہیں سنا رہے ہو، دہریئے جو دین کو نہیں مانتے تو یہ اسی معرفت ہی کی برکت ہے وگرنہ وحی تو ایسی تعلیم ہے کہ جس کے سامنے سوائے سر تسلیم خم کرنے کے اور کوئی چارہ ہی نہیں ۔ قال: یہ انسانی دماغ جو کبھی کائنات کے چکر لگانے میں مصروف ہے توکبھی مادی حجابات کے پردے اٹھانے میں ۔ مگر رب تبارک و تعالی کی ذات و صفات کے علم پر نہ پہنچے تو بے کار ہے ۔ یہ ہے ’’لا الہ الا اللہ ‘‘کی معرفت کی انتہا۔(صفحہ 43) اقول: یہ معرفت صحابہ کرام رضی اللہ عنہم یا سلف صالحین رحمہم اللہ کو بھی تھی یا صرف آپ پر نئی نازل ہوئی ہے؟ ]اِیْتُوْنِیْ بِکِتٰبٍ مِّنْ قَبْلِ ھٰذَآ اَوْ اَثٰرَةٍ مِّنْ عِلْمٍ اِنْ کُنْتُمْ صٰدِقِیْنَ ] اگر تم سچے ہو تو اس سے پہلے ہی کی کوئی کتا ب یا کوئی علم جو منقول چلا آرہا ہو میرے پاس لاؤ۔ اللہ تبارک و تعالی کی ذات اور صفات پر ایمان بالغیب لانا ہے، اور یہی حکم ہمیں بھی دیا گیا ہے۔ ]الَّذِیْنَ یُؤْمِنُوْنَ بِالْغَیْبِ وَ یُـقِیْمُوْنَ الصَّلٰوةَ وَ مِمَّا رَزَقْنٰھُمْ یُنْفِقُوْنَ Ǽ وَ الَّذِیْنَ یُؤْمِنُوْنَ بِمَآ اُنْزِلَ اِلَیْکَ وَمَآ اُنْزِلَ مِنْ قَبْلِکَ ۚ وَبِالْاٰخِرَةِ ھُمْ یُوْقِنُوْنَ Ć۝ۭ اُولٰۗیِٕکَ عَلٰی ھُدًی مِّنْ رَّبِّہِمْ ۤ وَاُولٰۗیِٕکَ ھُمُ الْمُفْلِحُوْنَ ] جو غیب پر ایمان لاتے ہیں اور نماز قائم کرتے ہیں اور جو کچھ ہم نے ان کو عطا کیا ہے اس میں سے خرچ کرتے ہیں اور جو کتاب آپ پر نازل ہوئی اور جوکتابیں آپ سے پہلے انبیاء پرنازل ہوئیں ، سب پر ایمان لاتے اور آخرت کا یقین رکھتے ہیں ۔ اللہ تعالی نے تو انسانی علم کی انتہا یہ بتلا رہا ہے اور جو تم بتا رہے ہو یہ نہ قرآن میں ہے اور نہ حدیث میں ۔ہاں تمہارے مفروضی علم میں کہ جسے باطنی علم کہتے ہو ضرور ہوگی۔ جب اللہ تعالی کی ذات و صفات بے مثل ہیں تو پھر اس کے علم کی انتہا تک کیسے پہنچا جائیگا؟یہ تو ان لوگوں کا مذہب ہے جو تشبیہ اور تجسیم کے قائل ہیں ۔ اللہ کے علم تک پہنچنا ممکن ہے تو ایسی صورت میں اس کی صفات بے مثل نہ رہیں بلکہ ضرور ان کی کوئی تشبیہ لازم آئے گی ۔ سبحانہ و تعالی عما یقولون علواً کبیراً قال : اللہ تعالی فرماتا ہے ’’انا عرفنا الامانة علی السموت والارض۔الخ ۔(صفحہ 43)