کتاب: طلاق کے مسائل - صفحہ 89
أَحْـــــکَامُ الظِّہَـــــارِ ظہارکے احکام مسئلہ نمبر123:بیوی کو ماں یا بہن کہہ کر اپنے اوپر حرام کر لینا منع ہے ، شرع میں اسے ’’ظہار‘‘ کہتے ہیں۔ مسئلہ نمبر124:ظہار کرنے سے بیوی ہمیشہ کے لئے حرام نہیں ہوتی البتہ رجوع کرنے سے قبل کفارہ ادا کرنا ضروری ہے۔ مسئلہ نمبر125:ظہار کا کفارہ ایک غلام آزاد کرنا ہے اور اگر یہ ممکن نہ ہوتو پھر مسلسل دو ماہ کے روزے رکھنا ہے اور اگر یہ بھی ممکن نہ ہو تو پھر ساٹھ مسکینوں کو کھانا کھلانا ہے۔ {اَلَّذِیْنَ یُظٰہِرُوْنَ مِنْکُمْ مِّنْ نِّسَاۗیِٕــہِمْ مَّا ہُنَّ اُمَّہٰتِہِمْ ۭاِنْ اُمَّہٰتُہُمْ اِلَّا اڿ وَلَدْنَہُمْ ۭ وَاِنَّہُمْ لَیَقُوْلُوْنَ مُنْکَرًا مِّنَ الْقَوْلِ وَزُوْرًا ۭ وَاِنَّ اللّٰہَ لَعَفُوٌّ غَفُوْرٌ Ą۝ وَالَّذِیْنَ یُظٰہِرُوْنَ مِنْ نِّسَاۗیِٕہِمْ ثُمَّ یَعُوْدُوْنَ لِمَا قَالُوْا فَتَحْرِیْرُ رَقَبَةٍ مِّنْ قَبْلِ اَنْ یَّـتَـمَاۗسَّا ۭ ذٰلِکُمْ تُوْعَظُوْنَ بِہٖ ۭ وَاللّٰہُ بِمَا تَعْمَلُوْنَ خَبِیْرٌ فَمَنْ لَّمْ یَجِدْ فَصِیَامُ شَہْرَیْنِ مُتَتَابِعَیْنِ مِنْ قَبْلِ اَنْ یَّتَمَـاۗسَّا ۚ فَمَنْ لَّمْ یَسْتَطِعْ فَاِطْعَامُ سِـتِّیْنَ مِسْکِیْنًا ۭ ذٰلِکَ لِتُؤْمِنُوْا بِاللّٰہِ وَرَسُوْلِہٖ ۭ وَتِلْکَ حُدُوْدُ اللّٰہِ ۭ وَلِلْکٰفِرِیْنَ عَذَابٌ اَلِیْمٌ ] (الجمادلہ:2-4) ’’تم میں سے جو لوگ اپنی بیویوں سے ظہار کرتے ہیں ان کی بیویاں ان کی مائیں نہیں ہیں ان کی مائیں تو وہی ہیں ، جنہوں نے ان کو جنا ہے یہ لوگ ایک سخت ناپسندیدہ جھوٹی بات کہتے ہیں۔ حقیقت یہ ہے کہ اللہ بڑا معاف کرنے والا اور درگزر فرمانے ولا ہے۔ جو لوگ اپنی بیویوں سے ظہارکریں پھر اپنی اس بات سے رجوع کریں جو انہوں نے کہی تھی تو قبل اس کے کہ ایک دوسرے کو ہاتھ لگائیں ایک