سنن ابن ماجه - حدیث 1

كِتَابُ السُّنَّةِ بَابُ اتِّبَاعِ سُنَّةِ رَسُولِ اللَّهِ صَلَّى اللهُ عَلَيْهِ وَسَلَّمَ صحیح حَدَّثَنَا أَبُو بَكْرِ بْنُ أَبِي شَيْبَةَ قَالَ حَدَّثَنَا شَرِيكٌ عَنْ الْأَعْمَشِ عَنْ أَبِي صَالِحٍ عَنْ أَبِي هُرَيْرَةَ قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ مَا أَمَرْتُكُمْ بِهِ فَخُذُوهُ وَمَا نَهَيْتُكُمْ عَنْهُ فَانْتَهُوا

سنن ابن ماجہ - حدیث 1

کتاب: سنت کی اہمیت وفضیلت سنت رسول صلی اللہ علیہ وسلم کی پیروی کا بیان حضرت ابو ہریرہ رضی اللہ عنہ سے روایت ہے، رسول اللہ ﷺ نے فرمایا:جس کام کا میں تمہیں حکم دوں،اس پر عمل کرواور جس سے منع کروں،اس سے باز رہو۔ (1) نبی اکرم صلی اللہ علیہ وسلم کا ہر حکم واجب التعمیل ہے۔ قرآن مجید کی بہت سی آیات سے یہی حکم ثابت ہوتا ہے۔(2)جس کام سے نبی صلی اللہ علیہ وسلم منع فرما دیں، اس سے بچنا ضروری ہے۔ارشاد باری تعالیٰ ہے(الحشر:7)اور رسول جو بھی تمہیں(حکم)دےاسےلے لو اور جس سے تمہیں روک دے اس سے رک جاؤ۔ (3)اس سے یہ اصول ثابت ہوتا ہے کہ(الامر للوجوب)یعنی (بالعموم)امر وجوب کے لیے ہوتا ہے،البتہ دوسرے قرائن کی موجودگی میں استحباب یا جواز بھی مراد ہو سکتا ہے۔

  • فونٹ سائز:

    ب ب